Sunday 14 December 2008

Chicken Rice


ကြက်ဆီထမင်းဆိုတာ စလုံးမှာ နေရာတော်တော်များများမှာတွေ့ရမှာပါ။ မစားချင်မှအဆုံး။ မန်းလေးမှာ နေတုန်း ကတော့ စာမေးပွဲနီးတိုင်း တော်တော်စားဖြစ်တဲ့အစားအသောက်ပါ။ ဒါပေမယ့် တစ်ခါမှတေ့ာ လုပ်ပြီးမစားဖူးဘူး။ မနေ့ကတော့ သွေးလှူခါနီး ကြက်ပြုတ်ရေသောက်မယ်ဆိုပြီး ကြက်တစ်ကောင်ဝယ်ဖြစ်တယ်။ ပြီးတော့ ကြက်သား ကိုပေါင်းလိုက်တယ်။ မနေ့ ညနေစာတော့ ကြက်သားပြုတ်ခေါ်မလား၊ ကြက်သားပေါင်းလို့ ခေါ်ရမလားမသိတဲ့ ကြက်သားပေါင်းကို ခါကြက်ဥ၊ မုန့်ညှင်းဖြူနဲ့ စားဖြစ်တယ်။
ဒီနေ့တော့ သွေးလှူပြီး အပြန်မှာ မနေ့က ကြက်သားတွေကျန်နေတာနဲ့ နွှေးရင်နဲ့ ထပ်ပြီး ပေါင်းဖြစ်တယ်။ ထမင်း လည်း ချက်ရမယ့်အတူတူ ဆိုပြီး ကြက်ဆီထမင်းလုပ်စားမယ်ဆိုပြီး စမ်းဖြစ်တယ်။ မဆိုးဘူးဖြစ်တယ် ပြောရမယ်။

ဆန် ဆန်ချင်တဲ့ခွက် ၂ ခွက်။
ကြက်သား တစ်ကောင်ကို ၃ပုံ ၂ ပုံ။
ချင်း အနည်းငယ်။
ဆား သင့်ရုံ။
နှမ်းဆီ ၂ ဇွန်း။


ချက်တာကတော့ ကြက်သားတွေကို ရေနည်းနည်းထည့်ပြီး ဒယ်အိုးထဲမှာဘဲ အဖုံးအုပ်ထားလိုက်တာ။ ကြက်သား အရည်ရအောင် တော့ ရေနည်းနည်းဆိုပေမယ့် မနည်းမများပေါ့။ ရေခန်းရင် အတော်လောက်လေး ရေထည့်ပြီး မီးပြင်းပြင်းနဲ့တည်ထားလိုက်တယ်။ ပြီးတော့ ဒီဘက်မှာ ဆန်ဆေး၊ ပြီးတော့ ရေနွေးအိုးတည် လိုက်တယ်။ ရေဆူတော့ ဆန်ခပ်ပြီး ထားလိုက်တယ်။ ဆန်က ငှဲ့လို့ အနေတော်လောက်ကျတော့ ရေငှဲ့ပြီး ထားလိုက်တယ်။ ပြီးတော့မှ ကြက်ပါင်းရည်ထည့်လိုက်ပြီး နှပ်ထားလိုက်တယ်။ အဲ့ဒီအချိန်အတွင်းမှာ ချင်း၊ နှမ်းဆီနဲ့ ဆား သင့်ရုံထည့်ပြီး အိုးကို ဟိုဘက် ဒီဘက်လှည့်ပေးနေလိုက်တယ်။ ထမင်းနပ်မနပ် ကြည့်ပြီး သိပ်မနပ်သေးလို့ ကြက်ပေါင်းရည် ထပ်ထည့်လိုက်တယ်။ ထမင်း နပ်လောက်တဲ့အချိန်ကျမှ မီးပိတ်ပြီး သူ့အငွေ့နဲ့သူ ထားလိုက်တာ။ စားချင်စဖွယ် ကြက်ဆီထမင်းပေါ့။ ဆန်က ဆူရှီလုပ်စားတဲ့ ဆန်ဖြစ်နေလို့သာ တော်တော်စား ကောင်းတယ်။

ကြက်သားပြုတ်ကြော်လိုပုံစံမျိုးကို လွယ်လွယ်ကူကူ ကြက်ဆီထမင်းပုံစံ လုပ်စားလိုက်တာပါ။ ချက်တာ ကြက်သားက ပြုတ်ပြီးသာ ပြန်နွှေးရုံဘဲဆိုတော့) နာရီဝတ်လောက် ဘဲကြာမယ်ထင်တယ်။ ကျန်းမာရေးနဲ့လည်း ညီညွတ်ပြီး မြန်မြန်ဆန်ဆန် လုပ်စားလို့လွှယ်တဲ့ ဟင်းတစ်ခွက်ပါ။ ဒီနည်းဘယ်ကရလဲတော့ မမေးပါနဲ့ ဟိုကြည့် ဒီကြည့်နဲ့ချက်ထားတာ။ ဟိုနေ့ကလည်း တီဗွီကလာတဲ့ စင်္ကာပူ ကြက်ဆီထမင်းလုပ်နည်းကြည့်ထားတာကြောင့် လည်း အဆင်ပြေသွားတာ ဖြစ်မယ်ထင်တယ်။

နှင်းဆီနီနီ။