မာန။ လူတိုင်း မာနရှိကြတယ်ထင်တယ်။ မာနဆိုတာ ဘာကိုဆိုလိုမှန်း လူတွေ အဓိပ္ပါယ်ဘယ်လိုကောက်လည်း ကျွန်မ မသိပါဘူး။ ဒါပေမယ့် မာနဆိုလိုက်တာနဲ့ မကြည်ဖြူသံ၊ အကောင်းမမြင်သံတွေပါနေတာတော့ လူတိုင်း လက်ခံမယ်ထင်ပါတယ်။ မာနကြီးလိုက်တာလို့ ပြောလိုက်တာနဲ့ ပြောတဲ့ အကြောင်းအရာတစ်ခုကို မကြည်ဖြူ မနှစ် သက်ဘူးဆိုတာ လေသံကြားရုံနဲ့ သိနိုင်မယ်လို့ထင်ပါတယ်။ စကားလုံးတွေ အများကြီးထဲကမှ မာနကြီးတယ်ဆိုတာ ဘာလို့ ရွေးသုံးလဲ ဆိုတာကတော့ ပြောတဲ့လူကဘဲသိမှာမို့ ဘာမှပြောလိုပါဘူး။

ဒါပေမယ့် လူတိုင်းမှာ သူတို့ကိုယ်ပိုင် စည်းမျဉ်းစည်းကမ်း၊ ကိုယ်နှစ်သက်တဲ့ လူမှု့နေထိုင်မှုဘ၀နဲ့၊ ကိုယ်ပိုင် ရွေးချယ်မှုတွေ ရှိတာကို လူတွေ မေ့များနေကြသလားလို့ တွေးမိပါတယ်။ တစ်မိတည်းပေါက်တဲ့ မွေးချင်းတွေ ချင်းတောင် ကြိုက်နှစ်သက်မှု၊ ရွေးချယ်မှုနဲ့ ဘ၀ကိုသိမှု၊ မြင်မှုတွေကွဲပြားတယ်လို့ ကျွန်မမြင်ပါတယ်။ ဥပမာ- ကျွန်မနဲ့ ကျွန်မမောင်လေးဆို အကုန်ဆန့်ကျင်ဖက်ပါ။ သူက မြန်မာစာတွေကြိုက်တယ်၊ ကျွန်မက အနောက်တိုင်း အစားသောက်တွေကြိုက်တယ်။ နောက်တိုင်းအစားသောက်တွေ ကြိုက်တယ်ဆိုပေမယ့် ကျွန်မ သရေစာတွေမကြိုက်ဘူး၊ သူက နေကြာစေ့ကအစ၊ အချဉ်ထုပ်ထိ ကြိုက်တယ်။ သူက အ၀တ်အစားကို ၀တ်လို့ ရရင်ပြီးတာမျိုးကြိုက်တယ်။ ကျွန်မ တာရှည်ခံတာမျိုးကို ရွေးပြီးကြိုက်တက်တယ်။ စသည် စသည်ဖြင့် လုံးဝမတူ တာတွေရှိပါတယ်။ လူတိုင်ကိုသူက တည့်အောင်ပေါင်းတယ်၊ ကျွန်မက ကျွန်မသဘောကျတဲ့လူမှ တည့်အောင် ပေါင်းတယ်။ ဒါမျိုးတွေပေါ့။ ဒါကတော့ အနီးစပ်ဆုံး ဥပမာပါ။

လူတိုင်းမှာ အမြွှာတောင်မှမတူတာတွေ အများကြီးရှိနိုင်ပါတယ်။ မတူတာတွေများကြီး ရှိနိုင်တယ်ဆိုတော့ တူတာတွေ မရှိဘူးလို့ မပြောပါဘူး။ တူတာတွေလည်း ရှိပါတယ်။ ဒါပေမယ့် ကိုယ့်နဲ့ အယူအဆ၊ အတွေးအခေါ်၊ အမြင်စတာတွေ မတူတာနဲ့ ဒီလူတုံးလိုက်တာ၊ ဒီလူအသုံးမကျဘူး၊ ဒီလူညံ့လိုက်တာလို့ ဘာလို့လူတွေတွေးလဲ ကျွန်မလုံးဝမသိပါဘူး။ ငါနဲ့သူ အမြင်မတူပါလားဆိုတဲ့ စိတ်မျိုး တော်တော်များများမှာ ချို့ယွင်းနေတက်ပါတယ်။ ကျွန်မကိုယ်တိုင် တစ်ခါတစ်လေ ချို့ယွင်းတတ်ပါတယ်။ ဒါကအမှန်ပါ။ ပြီးပြည့်စုံတဲ့လူဆိုတာမရှိတော့ ကျွန်မကိုယ်တိုင်မှာလည်း တစ်ခါတလေရှိပါတယ်လို့ ၀န်ခံပါတယ်။ ဘာလို့ တခါတလေလို့ပြောလဲဆိုတော့ ကျွန်မ အပေါင်းအသင်းတွေကို အတက်နိုင်ဆုံး အကန့်တွေခွဲပြီး ပေါင်းတာမို့ပါ။

သာမာန်ကိစ္စလေးတွေမှာ သိပ်ပြီးမသိသာပေမယ့် လူတစ်ယောက်ရဲ့ ရွေးချယ်မှု့ကို နောက်လူတစ်ယောက်က လေးလေးစားစား တန်ဖိုးထားရင် လောကမှာ အေးချမ်းသွားမယ်လို့မြင်မိပါတယ်။ အခုဟာက ကိုယ်မဟုတ်တဲ့ တခြားလူတစ်ယောက်ရဲ့ ရွေးချယ်မှု့ကို ကိုယ်က ကိုယ့်စိတ်နဲ့ မှားတယ် မှန်တယ် ဝေဖန်နေတော့ ဘယ်ကောင်း ပါ့မလဲ။ သူကိုယ်တိုင် သူ့လိုအပ်ချက်အတွက်၊ သူ့စိတ်ကြိုက်ရွေးချယ်ထားတာလေ။ သူ့ဘ၀ကို သူကိုယ်တိုင် တည်ဆောက်ယူတာလေ။ သူလိုအပ်တာတွေဘဲ ထည့်ထားမပေါ့။ မတော်တရော်၊ အဆင်မပြေတာ၊ မနှစ်သက် တာတွေကို ထည့်ထားပါ့မလား။ စိန်တုံးကြီး တန်ဖိုးကြီးလှပါတယ်၊ စားစရာမရှိတဲ့ တောထဲမယ်ရှိတော့ နေ့လည်စာ တစ်ခွက်လောက် စိန်တုံးကြီး တန်ဖိုးရှိချင်မှ ရှိမှာပါ။ စားလို့မရတဲ့ စိန်တုံးကြီး ဖင်ခုထိုင်ပြီး ငတ်နေတဲ့ ဘ၀မျိုး နေနိုင်မလား စဉ်းစားကြည့်ကြပါ။

ဒီလိုပါဘဲ ကျွန်မလည်း ကျွန်မဘ၀အတွက် အတက်နိုင်ဆုံးကြိုးစားပါတယ်။ သူများတွေ ကြိုးစားတယ်လို့ မြင်ချင်မှ မြင်ပါမယ်။ ဒါပေမယ့် ကျွန်မ ကြိုးစားနိုင်တာ ဒါအကုန်ပါဘဲ။ အဲ့ဒီအတွက် ကျွန်မကျေနပ်ပါတယ်။ ကျွန်မ အခုဘ၀နဲ့ နောက်ဘ၀အတွက် ကုသိုလ်၊ အကုသိုလ် အတူပြုလိုပ်မယ့် ဘ၀ခရီးဖေါ်ရွေးချယ်တဲ့နေရာမှာ ကျွန်မအကုသိုလ်ကို ကုသိုလ်အဖြစ်ပြောင်းလဲနိုင်မယ့်၊ ယုံကြည်အားကိုးရတဲ့၊ စိတ်ချရမယ့်လူကိုဘဲ ကျွန်မအနားမှာ ထားချင်ပါတယ်။ စိတ်တူကိုယ်တူ၊ ကိုယ့်ကိုလည်း ကြည်ဖြူသလို သူ့ကိုလည်း ကိုယ်က ကြည်ဖြူနိုင်မယ့်လူကိုဘဲ ရွေးချယ်မှာပါ။

ငွေတွ၊ ဂုဏ်တွေကို မက်မော၊ တွက်ချက်ပြီး ဘ၀ခရီးအတွက် မရွေးချယ်ပါဘူး။ ကျွန်မဘ၀အတွက် ကျွန်မကိုယ်တိုင်ချထားတဲ့ ကျွန်မရဲ့ ရွှေရောင်စည်မျဉ်းပါ။ ကျွန်မအတွက် ရွှေရောင်စည်းမျဉ်းပါ။ တခြားသူ အတွက် ထူးခြားချင်မှ ထူးခြားမှာဖြစ်ပေမယ့် ကျွန်မအတွက် တော့ထူးခြားတဲ့ ရွှေရောင်စည်းမျဥ်းပါ။ လူ့ဘ၀ဆိုတာတိုတိုလေးပါ ခဏလေးအတွင်းမှာ စိန်ပုံပေါ်ထိုင်ပြီး စိတ်ဆင်းရဲတဲ့ ဘ၀မျိုး ကျွန်မ မဖန်တီးချင်ပါဘူး။ မနှစ်သက်ပါဘူး။ ဒါက ကျွန်မဘ၀အတွက် ကျွန်မရွေးချယ်တဲ့ ရွေးချယ်မှုကို ကျွန်မလေးစားပါတယ်၊ တန်ဖိုးထားပါတယ်။ ဒီလို ကိုယ့်ရွေးချယ်မှု့ကို ကိုယ်လေးစားတာ၊ တန်ဖိုးထားတာ မာနတဲ့လား။ တကယ်ကို မစဉ်းစားတက်တာပါ။

လူတွေ ကိုယ်ကြိုက်တာကိုယ်လုပ်နေကြတာပါဘဲ။ ကိုယ်လည်း ကိုယ်ကြိုက်တာကိုယ်လုပ်တယ် သူလည်း သူကြိုက်တာသူလုပ်နေတာဘဲ။ အားလုံးအတူတူဘဲကို သူများကျမှ ဘာလို့ မကောင်းဘူးဖြစ်နေရတာလဲ။ အမှန်တော့ ဒီလိုပြောလိုက်တာက ကျွန်မသူငယ်ချင်းပါ။ သူက အရမ်းအေးပါတယ်။ သူက အရိုးခံနဲ့ ပြောလိုက်တာလဲ ဖြစ်ချင်ဖြစ်မှာပါ။ ဒါပေမယ့် ခံစားလိုက်ရတာက ကျွန်မပါ။ ကိုယ်မမှန်ဘူး၊ မသင့်တော်ဘူးလို့ သတ်မှတ်ထားတဲ့ အရာတစ်ခု ကိုယ်လက်ထဲမှာ မရှိနေတာဟာ ကျွန်မအတွက် အလုံးခြုံဆုံးပါ။ ကျွန်မဒီလို ယူဆပေမယ့် သူတို့ကတော့ ဖြစ်သင့်ဖြစ်ထိုက်တယ်လို့ ထင်တာလေးတွေ ဖြစ်စေချင်တယ် ထင်ပါရဲ့။ ပြောတဲ့ သူငယ်ချင်းကို ဘယ်လိုမှ မရည်ရွယ်ပါဘူး။ ဒါပေမယ့် သူပြောလိုက်တဲ့အချိန်မှာ ကျွန်မစိတ်ထဲ ပေါ်လာတာက လူတွေစိတ်မှာ ဒါမျိုးလေးတွေ ရှိတက်တယ်ဆိုတာ သိလိုက်ရတာ ကိုဘဲ စေတနာတွေလွန်ပြီး ပြောလိုက်သလား တော့ မသိပါဘူး။ အမှန်ကတော့ သူတစ်ယောက်တည်း မဖြစ်နိုင်တဲ့ စကားမို့လည်း ဒီစကားကို ကျွန်မ အလွန်ခံစား လိုက်ရတာပါ။

တွက်တတ်တဲ့လူကလည်း သူလည်း သူ့အတွက် အလုံခြုံဆုံး၊ အဆင်အပြေဆုံးကို ရွေးချယ်တာပါ။ ကျွန်မလည်း ကျွန်မအတွက် အသင့်တော်ဆုံး၊ အကောင်းဆုံးကို ရွေးချယ်တာမို့ ရွေးချယ်ခွင့်ရှိတယ်လို့ မြင်မိပါတယ်။ ဘာပဲဖြစ်ဖြစ် ကျွန်မလူတိုင်းရဲ့ ရွေးချယ်မှု့တိုင်းကိုလေးစားပါတယ်။ ကျွန်မပြောချင်တာလဲ လူတိုင်ကလည်း သူတစ်ပါရဲ့ရွေးချယ်မှု့ကိုလေးစားပါ။ ဘယ်လောက် ပျော်စရာကောင်းလိုက်မလဲ၊ ဘယ်လောက် အေးချမ်း လိုက်မလဲ။ ကိုယ်အတွက် အကောင်းဆုံး၊ အသင့်တော်ဆုံးကို ရွေးချယ်တာ မာနတဲ့လား။ ကျွန်မတော့ မာနလို့ မထင်မိပါဘူး။

တကယ်လို့သာ အဲ့ဒါကို မာနလို့ လူတွေခေါ်ကြမယ်ဆိုရင်လည်း ခေါ်ကြပါစေ။ အဲ့ဒီမာနဟာ ကျွန်မတို့ ဘ၀ အတွက် အကောင်းဆုံး ရွေးချယ်မှုတွေ တစ်ခုပြီးတစ်ခု သယ်ဆောင်လာပေးမယ်လို့ ယုံကြည်ပါတယ်။ မကောင်းတဲ့ အမြင်နဲ့ ပြောလိုက်ပေမယ့် အဲ့ဒီမာနဟာ ကျွန်မကို အကောင်းဆုံးရွေးချယ်မှုတွေ ပေးလိမ့်မယ်လို့ ယုံကြည်နေတုန်းပါဘဲ။ မာနကြီးတယ်၊ မရှိမာန။ ဘာဖြစ်လဲ မာနရှိဖို့ လွယ်တာမှတ်လို့။ ကျွန်မအမြင်ကတော့ လူတိုင်းမှာတော့ မတူညီတဲ့ ရွေးချယ်မှုတွေ ရှိနေသလို မတူညီတဲ့ မာနတွေလည်းရှိနေမယ်လို့ ယုံကြည့်ပါတယ်။ မာနက စားသုံးတတ်ရင် ချိုမြိန်ပါတယ်။ ကျွန်မအတွက်တော့ မာနဟာ ချိုမြိန်ပါတယ်။