Wednesday 1 August 2012

D Day

စင်္ကာပူမှာနေခဲ့တဲ့ ၃ နှစ်ကာလကို ဘယ်တုန်းကမှ ကောင်းတယ်လို့ မမြင်ခဲ့သလို ငရဲနီးနီးထင်ခဲ့တာ ဒီလို စိတ်ဓါတ်နဲ့ ကျော်ဖြတ်ခဲ့တာပါ.. ဒါပေမယ့် ဘ၀အတွက် ကောင်းတာလေးတွေ အမှတ်ရတာလေးတွေ ရှိခဲ့ ပါတယ်လို့လည်း ၀န်ခံရပါမယ်.. 
ဘ၀အတွက် တသက်လုံးအတွက် သင်ခန်းစာတွေ ကောင်းကောင်းမွန်မွန် သင်ကြားပေးခဲ့တဲ့ အဲ့ဒီ  ကျွန်းလေးပေါ်က အချိန်တွေကို ပြန်တွေးရင် ငါ ပျော်ပျော်နေခဲ့ရ အကောင်းသားလို့ .. အခုတော့လည်း  .. ပြီးခဲ့တာတွေက ပြီးခဲ့ပြီဆိုတော့လေ... အရာရာကို အမြဲ သံသယရှိပြီး စိုးရိမ်ပူပန်တက်တဲ့ စိတ်က ကျွန်မကို မပျော်ရွှင်အောင် ဖန်တီးခဲ့မှန်း အချိန်အတော်ကြာမှသိခဲ့ရတာ.. ကျွန်မလုပ်စရာတော်တော် များများကိုလည်း မလုပ်ဖြစ်ခဲ့ပါဘူး...ဒါပေမယ့် အဲ့ဒါတွေအကုန်လုံးက နောက်ကျွန်မ ဘာဆက်လုပ်ရမလဲဆိုတာကို အမှားအယွင်းမရှိအောင် ကူညီထောက်မပေးနေပါတယ်.. အဲ့ဒီအတွက် ကြုံတွေ့ခဲ့သမျှ သင်ခန်းစာအားလုံးကို ကျွန်မက ကျေးဇူးတောင် တင်မိပါတယ်.. ငါ ဒါမျိုးကြုံဖူးတယ် ဒီလို အတွေ့အကြုံမျိုး ရရှိခဲ့တယ်ဆိုတာမျိုး မြင်တက်ခံယူတက်သွားတယ်.. မဟုတ်ရင် ကျွန်မက လောကကြီးကို ပန်းခင်းလမ်းလို့ မြင်နေမိမှာ... ဒါကြောင့်ပညာရှင်တွေကပြောတာ အတွေ့အကြုံ ဆိုတာ အတွေ့အကြုံပဲ ကောင်းတယ် ဆိုးတယ် ဆိုပြီးပြောဆို ခိုင်းနှိုင်း လို့မရဘူးလို့..  ဒါတွေအားလုံး ကျွန်မအတွက် လိုအပ်လို့ဖြစ်လာတာလို့ မြင်နိုင်ရင် ကိုယ့်အတွက် အကျိုးရှိပါလိမ့်မယ်လို့.... ဒီနေ့ တကယ်ကို ကျွန်မဆီကို ရောက်ရှိခဲ့ပါတယ်...