ကျွန်မဘ၀ထဲမှာ ကျွန်မမစိုက်ရပဲ ကျွန်မပြုစုလို့ပွင့်သွားတဲ့ ပန်းပင်တွေအများကြီးပါဘဲ။ ကျွန်မကလည်း ကိုယ်မ စိုက်ပေမယ့် ကိုယ်ပြုစုလိုက်လို့သာပန်းတွေသာပွင့်လာမယ်ဆိုရင် ဘယ်လောက်ဘဲပင်ပန်းပြီး အချိန်တွေကုန်ပါ စေ ပြုစုဖို့ဝန်လေးတဲ့သူမဟုတ်ပါဘူး။ ကျွန်မဆယ်တန်းဖြေပြီးတဲ့ အချိန်လောက်တုန်းကပါ။ ကျွန်မတို့နေတဲ့ အိမ်ရှေ့မှာ ယုဇနပန်းရုံ (၃)ရုံရှိပါတယ်။ ယုဇနပန်းရုံတွေက လူ့အရပ်ကျော်ရှိပေမယ့် အသက်ရင့်နေပြီမို့ ပန်းမပွင့်တာအတော်လေးကြာပါပြီ။ မိုးတွေရွာလည်း ပန်းတွေမပွင့်တဲ့အထိပါဘဲ။
ယုဇနပန်းပင်ရော ပန်းပွင့်ရောကို ကျွန်မအဲ့ဒီအရွယ်ရောက်တဲ့အထိ မမြင်ဖူးပါဘူး။ တစ်ရက်မှာ ယုဇနပင်နဲ့ ဖဲကြိုးဝါသီချင်းတွေကို နားထောင်မိရင် ယုဇနပန်းပွင့်ကို မြင်ဖူးချင်တဲ့စိတ်တွေဖြစ်လာခဲ့ပါတယ်။ အဲ့ဒါနဲ့ အိမ်ရှေ့မှာရှိနေတဲ့ ယုဇနပန်းရုံကြီးကို ရေလောင်းပေးဖို့ သတိရလိုက်ပါတယ်။ ကျွန်မနေတာ မိတ္ထီလာဆိုတော့ နွေရာသီမှာရေရှားပါတယ်။ ဒါပေမယ့် ယုဇနပန်းပွင့်တွေမြင်ဖူးချင်တဲ့ ကျွန်မကတော့ကြိုးစားပြီး ရေလောင်း ပေးဖို့ ဆုံးဖြတ်ပေးလိုက်ပါတယ်။
ဒါနဲ့ တစ်လလောက်ကြာတော့ ယုဇနပန်းရုံမှာရွက်နုတွေဝေနေတာကို တွေလိုက်ရပါတယ်။ မကြာခင်မှာ ပန်းတွေဖူး လာတော့မှာကို ကျွန်မအလိုလိုသိလိုက်ပါတယ်။ သိပ်မကြာလိုက်ပါဘူး။ ကျွန်မထင်တဲ့အတိုင်း ယုဇန ပန်းပင် တစ်ပင်လုံးပန်းဖူးလေးတွေဝေလို့။ ကျွန်မပျော်တာမှပြောပြလို့ မရအောင်ပါဘဲ။ ပန်းတွေအတော် များများဟာ ညနေဘက်မှာအဖူးလေးတွေကြီးပြီး၊ မနက်ဖက်နေအထွက်မှာ ပွင့်တာများပါတယ်။ ဒါပေမယ့် ယုဇနပန်းတွေက ညနေဘက်မှာသာပွင့်တက်ပြီး မနက်ဖက်ကိုရောက်ရင်တော့ ပင်ခြေတစ်ခုပွင်ဖတ်တွေနဲ့ ဖွေးနေတက်ပါတယ်။
ဒီလိုနဲ့ ယုဇနပန်းပင်က ပန်းတွေပွင့်နေလိုက်တာ မိုးတွင်းကုန်တဲ့အထိပါဘဲ။ နောက်ပိုင်းမှာ ကျွန်မသိပ်ပြုစုစရာ မလိုဘဲ။ ရေလောင်းပေးစရာမလိုဘဲ။ မိုးရွာလိုက် ပန်းပွင့်လိုက်နဲ့ ယုဇနပန်းပင်ကအရှိန်တွေရလို့။ ကျွန်မတို့ အဲ့ဒီအိမ်ကပြောင်လာတဲ့နေ့ကတောင် ယုဇနပန်းတွေပွင့်နေလိုက်တာ ကျွန်မကိုနှုတ်ဆက်နေသလိုပါဘဲ။ ကျွန်မကလည်း ကိုယ်ပြုစုလိုက်တဲ့ အပင်ကပန်းတွေအဆက်မပြတ်ပွင့်နေတာ အနှိုင်းမရှိကြည်နူးမိပါတယ်။ ယုဇနပန်းပင်နဲ့ပတ်တက်လို့ ကျွန်မတွေမိတဲ့ အတွေလေးတစ်ခုရှိပါတယ်။ အဲဒါကတော့ ကျွန်မယုဇနပန်းပင်ကို ရေလောင်းပြီး၊ မြေဆွေးတွေထည့်တုန်းက ကျွန်မစိတ်ထဲက မျော်လင့်ချက်တွေ၊ ယုံကြည်မှုတွေ၊ စေတနာတွေ ကိုပါတစ်ခါတည်း ထည်းပြီးပြုစုလိုက်မိလို့များ ပန်းတွေပွင့်ဖို့အားမရှိတော့တဲ့ သစ်ပင်တစ်ပင်က အဆက်မပြတ် ပန်းတွေပြန်ပွင့်လာတာများလားလို့ ဆိုတဲ့အတွေးတစ်ခုပါ။ ကျွန်မအညာပါဘူး။ အမှန်ပြောတာပါ။ တကယ်လို့ ကျွန်မဘ၀မှာ ကျွန်မလိုချင်တဲ့ အရာတစ်ခုကို အခုလိုရိုးသားစွာ၊ မျှော်လင့်ချက်တွေ၊ ယုံကြည်ချက်တွေအပြည့်နဲ့ ပြုစု၊ စိုက်ပျိုးလိုက်ရင် ကျွန်မလိုချင်တဲ့ အရာတွေ အဆက်မပျက်ပွင့်လာနိုင်တယ်ဆိုတဲ့ အတွေး တစ်ခုကတော့ အခုအချိန်ထိ ကျွန်မကိုယုံကြည်စေပါတယ်။
နှင်းဆီနီနီ။။
